1 hour ago
Swift News
ਬਰਨਬੀ ਵਿੱਚ ਹਾਈਵੇਅ-1 ’ਤੇ ਬੁੱਧਵਾਰ ਤੜਕੇ ਹੋਏ ਗੰਭੀਰ ਸੜਕ ਹਾਦਸੇ ਵਿੱਚ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੱਕ ਵਿਅਕਤੀ ਜ਼ਖ਼ਮੀ ਹੋਇਆ ਹੈ। ਆਰ.ਸੀ.ਐੱਮ.ਪੀ. ਮੁਤਾਬਕ ਹਾਦਸਾ ਅੱਧੀ ਰਾਤ ਤੋਂ ਕੁਝ ਦੇਰ ਬਾਅਦ ਵਾਪਰਿਆ, ਜਦੋਂ ਗਲਤ ਦਿਸ਼ਾ ਵਿੱਚ ਜਾ ਰਿਹਾ ਇੱਕ ਪਿਕਅੱਪ ਟਰੱਕ ਹਾਈਵੇਅ ’ਤੇ ਵੈਸਟਬਾਊਂਡ ਜਾ ਰਹੀ ਚਾਰ ਦਰਵਾਜ਼ਿਆਂ ਵਾਲੀ ਸੈਡਾਨ ਨਾਲ ਟਕਰਾ ਗਿਆ। ਪੁਲਿਸ ਮੁਤਾਬਕ ਸੈਡਾਨ ਵਿੱਚ ਸਵਾਰ ਦੋ ਯਾਤਰੀਆਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਸਰੀ ਦੇ ਰਹਿਣ ਵਾਲੀ 34 ਸਾਲਾ ਔਰਤ ਅਤੇ 32 ਸਾਲਾ ਵਿਅਕਤੀ ਸ਼ਾਮਲ ਹਨ। ਸੈਡਾਨ ਦਾ ਡਰਾਈਵਰ, ਕੋਕੁਇਟਲਮ ਦਾ 50 ਸਾਲਾ ਵਿਅਕਤੀ, ਗੰਭੀਰ ਜ਼ਖ਼ਮੀ ਹੋਇਆ ਅਤੇ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਹਾਦਸੇ ਵਿੱਚ ਸ਼ਰਾਬ ਇੱਕ ਕਾਰਕ ਹੋਣ ਦਾ ਸ਼ੱਕ ਹੈ। ਪਿਕਅੱਪ ਟਰੱਕ ਦੇ 32 ਸਾਲਾ ਸਰੀ ਵਾਸੀ ਡਰਾਈਵਰ ਨੂੰ ਗ੍ਰਿਫ਼ਤਾਰ ਕਰਕੇ ਹਿਰਾਸਤ ਵਿੱਚ ਲਿਆ ਗਿਆ ਸੀ, ਪਰ ਜਾਂਚ ਜਾਰੀ ਰਹਿਣ ਦੌਰਾਨ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ। ਹਾਦਸੇ ਕਾਰਨ ਹਾਈਵੇਅ-1 ਨੂੰ Kensington Avenue ਤੋਂ Sprott Street ਤੱਕ ਕਈ ਘੰਟਿਆਂ ਲਈ ਬੰਦ ਰੱਖਿਆ ਗਿਆ ਅਤੇ ਇਹ ਰਸਤਾ ਦੁਪਹਿਰ ਤੋਂ ਥੋੜ੍ਹਾ ਪਹਿਲਾਂ ਮੁੜ ਖੋਲ੍ਹਿਆ ਗਿਆ। ਪੁਲਿਸ ਨੇ ਹਾਦਸੇ ਦੇ ਗਵਾਹਾਂ ਜਾਂ ਅੱਧੀ ਰਾਤ ਤੋਂ 12:30 ਵਜੇ ਤੱਕ ਦੀ dash-cam footage ਵਾਲੇ ਲੋਕਾਂ ਨੂੰ 604-526-9744 ’ਤੇ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ।