5 hours ago
Swift News
ਸਾਬਕਾ ਫੈਡਰਲ ਐਨ.ਡੀ.ਪੀ. ਆਗੂ ਜਗਮੀਤ ਸਿੰਘ ਨੂੰ ਡੈਸਟਿਨੇਸ਼ਨ ਕੈਨੇਡਾ ਦੇ ਨਵੇਂ CEO ਵਜੋਂ ਨਿਯੁਕਤ ਕਰਨ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਇਹ ਸੰਸਥਾ ਕੈਨੇਡਾ ਦੇ ਰਾਸ਼ਟਰੀ ਸੈਰ-ਸਪਾਟਾ ਪ੍ਰਚਾਰ ਦੀ ਜ਼ਿੰਮੇਵਾਰੀ ਨਿਭਾਉਂਦੀ ਹੈ।
ਰਿਪੋਰਟ ਮੁਤਾਬਕ ਇਸ ਸੰਭਾਵੀ ਨਿਯੁਕਤੀ ਨੂੰ ਲੈ ਕੇ ਵਿਰੋਧੀ ਧਿਰ ਵੱਲੋਂ ਤਿੱਖੀ ਆਲੋਚਨਾ ਹੋ ਸਕਦੀ ਹੈ। ਇਹ ਵੀ ਸਪੱਸ਼ਟ ਨਹੀਂ ਕਿ ਜਗਮੀਤ ਸਿੰਘ ਕੋਲ ਸੈਰ-ਸਪਾਟਾ ਉਦਯੋਗ ਨਾਲ ਸੰਬੰਧਿਤ ਕੋਈ ਤਜਰਬਾ ਹੈ ਜਾਂ ਨਹੀਂ। ਸੈਰ-ਸਪਾਟਾ ਖੇਤਰ ਦੇ ਇੱਕ ਸੀਨੀਅਰ ਸਰੋਤ ਨੇ ਇਸ ਸੰਭਾਵਨਾ ਨੂੰ ਉਦਯੋਗ ਅਤੇ ਸੰਸਥਾ ਦੋਵਾਂ ਲਈ "ਬੇਇੱਜ਼ਤੀ" ਕਰਾਰ ਦਿੱਤਾ ਹੈ।
ਡੈਸਟਿਨੇਸ਼ਨ ਕੈਨੇਡਾ ਦੇ ਸੀਈਓ ਦੀ ਸਾਲਾਨਾ ਤਨਖਾਹ 3 ਲੱਖ 50 ਹਜ਼ਾਰ ਡਾਲਰ ਤੱਕ ਹੋ ਸਕਦੀ ਹੈ।
ਜਗਮੀਤ ਸਿੰਘ ਨੇ 2017 ਤੋਂ 2025 ਤੱਕ ਐਨ.ਡੀ.ਪੀ. ਦੀ ਅਗਵਾਈ ਕੀਤੀ ਅਤੇ 2019 ਤੋਂ 2025 ਤੱਕ ਬਰਨਾਬੀ ਸਾਊਥ ਤੋਂ ਸੰਸਦ ਮੈਂਬਰ ਰਹੇ। 2022 ਵਿੱਚ ਉਨ੍ਹਾਂ ਨੇ ਤਤਕਾਲੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਸਰਕਾਰ ਨਾਲ confidence-and-supply agreement ਕੀਤਾ ਸੀ, ਜਿਸ ਨਾਲ ਸਰਕਾਰ 2024 ਤੱਕ ਸੱਤਾ ਵਿੱਚ ਬਣੀ ਰਹੀ। 2025 ਦੀ ਫੈਡਰਲ ਚੋਣ ਵਿੱਚ ਐਨ.ਡੀ.ਪੀ. ਦੇ ਇਤਿਹਾਸਕ ਤੌਰ 'ਤੇ ਸਭ ਤੋਂ ਮਾੜੇ ਨਤੀਜੇ ਤੋਂ ਬਾਅਦ ਉਨ੍ਹਾਂ ਨੇ ਪਾਰਟੀ ਆਗੂ ਦੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ।