5 hours ago
Swift News
ਬ੍ਰਿਟਿਸ਼ ਕੋਲੰਬੀਆ ਦੀ Sooke Brewing Company ਨੇ ਆਪਣੇ ਸਹਿ-ਮਾਲਕ ਅਤੇ Head Brewer ਜੌਨ ਅਡੇਅਰ ਨੂੰ ਇੱਕ ਵਿਵਾਦਿਤ ਟੀ-ਸ਼ਰਟ ਦੀ ਤਸਵੀਰ ਸਾਹਮਣੇ ਆਉਣ ਤੋਂ ਬਾਅਦ ਨੌਕਰੀ ਤੋਂ ਕੱਢ ਦਿੱਤਾ ਹੈ। National Day for Truth and Reconciliation ਵਾਲੇ ਦਿਨ ਬਰੂਅਰੀ ਵਿੱਚ ਅਡੇਅਰ ਵੱਲੋਂ ਪਹਿਨੀ ਟੀ-ਸ਼ਰਟ ’ਤੇ “Show me the evidence” ਲਿਖਿਆ ਹੋਇਆ ਸੀ। ਤਸਵੀਰ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋਈ ਅਤੇ ਕਈ ਲੋਕਾਂ ਨੇ ਇਸ ’ਤੇ ਨਾਰਾਜ਼ਗੀ ਜਤਾਈ। ਇਸ ਤੋਂ ਬਾਅਦ ਬਰੂਅਰੀ ਦੇ Google Reviews ਪੇਜ ’ਤੇ ਵੱਡੀ ਗਿਣਤੀ ਵਿੱਚ One-Star Reviews ਵੀ ਆਏ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਟਿੱਪਣੀਆਂ ਇਸ ਟੀ-ਸ਼ਰਟ ਨਾਲ ਸਬੰਧਤ ਸਨ। National Day for Truth and Reconciliation Residential School System ਦੇ Survivors, ਜਿਹੜੇ ਬੱਚੇ ਕਦੇ ਘਰ ਵਾਪਸ ਨਹੀਂ ਆਏ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਤੇ ਭਾਈਚਾਰਿਆਂ ਨੂੰ ਯਾਦ ਕਰਨ ਲਈ ਮਨਾਇਆ ਜਾਂਦਾ ਹੈ। Sooke Brewing Company ਨੇ ਪਹਿਲਾਂ ਇਸ ਤਸਵੀਰ ਲਈ ਮੁਆਫ਼ੀ ਮੰਗਦਿਆਂ ਕਿਹਾ ਕਿ ਟੀ-ਸ਼ਰਟ ’ਤੇ ਲਿਖਿਆ ਸੁਨੇਹਾ ਕੰਪਨੀ ਦੀਆਂ ਕਦਰਾਂ-ਕੀਮਤਾਂ ਨੂੰ ਦਰਸਾਉਂਦਾ ਨਹੀਂ ਅਤੇ ਇਸ ਨੂੰ “offensive” ਦੱਸਿਆ। ਬਾਅਦ ਵਿੱਚ ਕੰਪਨੀ ਨੇ ਅਡੇਅਰ ਦਾ ਨਾਮ ਜਨਤਕ ਕਰਦਿਆਂ ਉਸ ਦੀ termination ਦਾ ਐਲਾਨ ਕੀਤਾ। ਬਰੂਅਰੀ ਨੇ ਫਿਲਹਾਲ ਆਪਣਾ ਕਾਰੋਬਾਰ ਬੰਦ ਕਰ ਦਿੱਤਾ ਹੈ ਅਤੇ ਸਥਾਨਕ First Nations ਆਗੂਆਂ ਨਾਲ ਸੰਪਰਕ ਕਰਕੇ ਉਨ੍ਹਾਂ ਦੀਆਂ ਚਿੰਤਾਵਾਂ ਸੁਣਨ ਦੀ ਗੱਲ ਕਹੀ ਹੈ। ਇਸ ਮਾਮਲੇ ਤੋਂ ਬਾਅਦ ਬਰੂਅਰੀ ਦੇ ਸਾਰੇ Events ਵੀ ਰੱਦ ਕਰ ਦਿੱਤੇ ਗਏ ਹਨ।