5 hours ago
Swift News
ਕੈਨੇਡਾ ਵਿੱਚ E-Bikes ਅਤੇ E-Scooters ਦੀ ਵਰਤੋਂ ਵਧ ਰਹੀ ਹੈ, ਪਰ ਨਵੀਂ ਜਾਂਚ ਵਿੱਚ ਇਨ੍ਹਾਂ ਦੀ Speed ਅਤੇ ਉਮਰ ਸਬੰਧੀ ਨਿਯਮਾਂ ਦੀ ਪਾਲਣਾ ਨੂੰ ਲੈ ਕੇ ਸਵਾਲ ਉੱਠੇ ਹਨ। ਇੱਕ Undercover Investigation ਮੁਤਾਬਕ ਗ੍ਰੇਟਰ ਟੋਰਾਂਟੋ ਏਰੀਆ ਵਿੱਚ ਜਾਂਚ ਕੀਤੀਆਂ 12 ਦੁਕਾਨਾਂ ਵਿੱਚੋਂ 10 ’ਤੇ ਅਜਿਹੇ E-Bikes ਜਾਂ E-Scooters ਵਿਕ ਰਹੇ ਸਨ, ਜਿਨ੍ਹਾਂ ਦੀ Maximum Speed ਓਨਟਾਰੀਓ ਦੇ ਕਾਨੂੰਨੀ Limit ਤੋਂ ਵੱਧ ਸੀ। ਓਨਟਾਰੀਓ ਵਿੱਚ E-Scooters ਲਈ Speed Limit 24 ਕਿਲੋਮੀਟਰ ਪ੍ਰਤੀ ਘੰਟਾ ਅਤੇ E-Bikes ਲਈ 32 ਕਿਲੋਮੀਟਰ ਪ੍ਰਤੀ ਘੰਟਾ ਹੈ, ਜਦਕਿ Rider ਦੀ ਘੱਟੋ-ਘੱਟ ਉਮਰ 16 ਸਾਲ ਹੈ। ਜਾਂਚ ਦੌਰਾਨ ਛੇ ਦੁਕਾਨਾਂ ਦੇ ਕਰਮਚਾਰੀਆਂ ਨੇ Built-in Speed Limit ਨੂੰ ਹਟਾਉਣ ਜਾਂ ਵਧਾਉਣ ਦਾ ਤਰੀਕਾ ਵੀ ਦੱਸਿਆ। ਇੱਕ ਦੁਕਾਨ ’ਤੇ 120 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਜਾਣ ਵਾਲੇ E-Scooters ਮਿਲੇ, ਜਦਕਿ ਇੱਕ ਹੋਰ ਥਾਂ E-Bike ਦੀ Speed 150 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਵਧਾਉਣ ਦੀ ਗੱਲ ਕੀਤੀ ਗਈ। ਇਸ ਦੇ ਨਾਲ ਹੀ ਕੈਨੇਡਾ ਵਿੱਚ E-Scooter ਹਾਦਸਿਆਂ ਕਾਰਨ ਹਸਪਤਾਲ ਦਾਖਲ ਹੋਣ ਵਾਲੇ 15 ਸਾਲ ਜਾਂ ਇਸ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਗਿਣਤੀ 2025-26 ਵਿੱਚ 150 ਰਹੀ, ਜੋ ਪਿਛਲੇ ਸਾਲ ਦੇ 54 ਮਾਮਲਿਆਂ ਨਾਲੋਂ ਕਰੀਬ 178 ਫੀਸਦੀ ਵੱਧ ਹੈ। ਮਾਹਿਰਾਂ ਵੱਲੋਂ ਮਾਪਿਆਂ ਨੂੰ ਇਨ੍ਹਾਂ ਵਾਹਨਾਂ ਨੂੰ ਸਿਰਫ਼ ਖਿਡੌਣਾ ਨਾ ਸਮਝਣ ਅਤੇ ਸਥਾਨਕ ਕਾਨੂੰਨਾਂ ਦੀ ਪਾਲਣਾ ਕਰਨ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।